بروتين طبيعى , بروتين طبيعي للشعر

يتأثر ااشعر بعوامل كثيرة تؤثر على صحته ومظهره بفعل تلوث الجو واستخدام السيشوار وغيرها فيفقد
الكثير من البروتين الموجود فيه لذلك يجب عمل ماسكات بروتين طبيعية تعالجه وتجعله صحي.

وصفات بروتين للشعر:
1- وصفة البيض والزبادي:
المكونات:
1 بيضة كاملة.
2 معلقة كبيرة زبادي.
لو شعرك طويل تقدري تضاعفي الكمية اللي تكفي طول وكثافة شعرك.

الطريقة:
في طبق او بوله صغيرة اضربي البيضة مع الزبادي لحد ما الخليط يبقى ناعم, لو
شعرك جاف اوي استخدمي صفار البيضة بس, لو شعرك دهني استخدمي البياض بس, لو شعرك
عادي او مختلط استخدمي البيضة كاملة.

ادهني فروة الراس والشعر كله بالخليط, وسيبيه لمدة 30 دقيقة, وبعدين اغسليه بمية باردة مع
الشامبو والبلسم.                           
          ممكن تضيفي للخليط كام نقطة من اي زيت عطري زي
زيت اللافندر عشان ريحة البيض.

تقدري تكرري الوصفة دي مرتين في الاسبوع.
البيض مليان بالبروتين وهيساعد على تنعيم الشعر جدا, والزبادي بيساعد على تنضيف فروة الراس والشعر
بشكل فعال.

2- وصفة صفار البيض والعسل:
المكونات:
صفار بيضة.
1 معلقة كبيرة عسل.
1 معلقة كبيرة زيت لوز حلو.

الطريقة:
اخلطي المكونات كلها مع بعض لحد ما يبقى الخليط ناعم.
حطي الخليط على الشعر كله وسيبيه لمدة من 15 – 20 دقيقة, وبعدين اغسليه بمية
باردة مع الشامبو والبلسم.

كرري الوصفة مرتين في الاسبوع.
متستخدميش الوصفة دي لو شعرك دهني, ومتسيبيش الوصفة اكتر من 20 دقيقة لان العسل بيحتوي
على خصائص تفتيح ممكن يفتح لون شعرك لو سيبتيه فترة طويلة.

بروتين طبيعى

بروتين طبيعي للشعر