العمليات ديه شئ مخيف ولكن مفيد ,اسعار عملية بالون المعدة
اول مرة اكتب موضوع عايزة اقلكو صدمتي في تكلفة عملية بالون المعدة انا في يوم
من الايام شوفت بالصدفة علي موقع الفيس بوك اعلان مكتوب اسهل طريقة للتخسيس بالون المعدة
بدون اضرار في مركز الدكتور محمد عبيد فمكدبش عليكو كتبت الرقم بس من فترة والنهاردة
طقت في دماغي واتهبلت وقلت اتصل انا بصراحة قلت اقصاها هتكلف 1000 او 2000 جنية
بالكتير لانها بالونة مؤقتة لمده 6 شهور بس عشان التدبيس المعدة صحابي عملهوها من 3الاف
لغاية 5الاف ودايمة وموال قلت اشوف البالونة اكيد اسهل وارخص المهم ردت عليا واحدة فبسالها
وبقلها انا عايزة اعمل كذا قعدت بقي تتكلم وتقول تكاليف المستشفي والعملية وشيل البلونة بعد
6شهور بكام بقي ياحلويين 14 الف جنية بس خودو بالكو من بس مع ان العملية
بتتركب في اقل من عشر دقايق ولو مش عايزة تروحي تشيلها بعد الست شهور انتي
حرة لانها بتفقع اللي تتفع مرارتهم لوحدها يعني هو اللي عايز يخس ينتحر انا جد
تعبت من كتر الريجيمات وتعبت بجد تعبت ولما قلت خلاص لقيت الحل الاقيه بالسعر ده
وفرحي كمان 9 شهور اللي عندو حل ان انا اخس ياريت يقلي ويساعدني
- اسعار شيل البالونه المعده