من اسهل واسرع الطرق للف الشعر هى :
1- اغسلى شعرك وجففيه بالفوطه (يعنى يكون مرطب شويه مش مبلول اوى) .
2- حطى اى زيت او كريم تحبيه .
3- ابدئى سرحيه عادى ، وبعدين اقلبيه كله لقدام ، يعنى كانك عامله ديل حصان
بس من قدام .
وعندك خيارين ،
1 – يااما تحطى توكه استك ، ومتلفيهاش كتير يعنى مرتين بس ، علشان متموجش
الشعر من مكانها
وبعدين تقسمى ديل الحصان نصين :
النص اليمين تلفيه ناحية الشمال ، وتثبتيه ببنسه او اى كلبس ميكسرش او يموج مكانه
والنص الشمال تلفيه ناحية اليمين ، وتثبتيه برضه بنفس الطريقه .
2- لو مش عايزه تحطى توكه ، قسمى الديل حصان نصين ، نص فوق ،
ونص تحت .
اتحركى بالنصين عكس حركة عقارب الساعه ، يعنى النص اللى تحت يكون فوق ، وثبتيه
ناحية الشمال ،
والنص اللى فوق يكون تحت ، وثبتيه ناحية اليمين .
اتمنى تكون الطريقه وضحت .
وهى سريعه وعمليه عن اى طريقه تانيه ، وبتسمحلك تعمليها قدام اى حد ، بدون
ما تضطرى تلفى حاجه على شعرك .