طب ايه هو المدعوء ال KP ده؟
انا اقولك يا ستي, ده المعروف بمظهر جلد الوزة او الفرخة عشان بتظهر
حبوب خشنة على سطح جلدك, و بيبقى عبارة عن تكوين الجسم لبروتين المسمى بالكرياتين
بشكل زايد على الجلد حوالين بوصيلة الشعر, و غالبا بيظهر في الرجل والايد
والمؤخرة (سوري يعني) وممكن يظهر في اي حتة تانية في الجسم تقريبا ماعدا
كف الايد والاقدام, وهو مش مرض معدي ولا مؤذي, بس بيبقى ليه تاثير نفسي
سلبي على المريض عشان الشكل اللي بيسببو.
طيب يا ترى ممكن اخف من المرض ده؟
هقولكم حاجة, بس ماتتخضوش بقى, اسمعوني للاخر.
المرض ده مش بيتشفي منه بس ليه علاج و بيتعالج.
يعني ايه بقى, وهو ايه الفرق بين الشفاء والمعالجة؟
الشفاء يعني حالة مرضية تعالجيها وتخفي منها خالص وماترجعلكيش
تاني بمجرد انتهائك من العلاج لكن المعالجة هو انك تعالجيها
وتتحسني بالعلاج بنسبة كبيرة جدا, لكن ممكن تضطري تستمري
عليه حتى لو بجرعة اقل عشان ماترجعلكيش الحالة تاني.
طيب هو ايه شكله و اعرف ازاي اذا كان عندي او لا؟
هو له كذا شكل ومنظر, فيه منه اللي بتبقى حبوب ملتهبة وحمراء,
و في منها حبوب مش ملتهبة وبيبقى محبوس تحتيها الشعرة, عموما انا هوريكي صور ليه,
على فكرة هي من على النت بس شبه اللي كانت عندي وكل واحدة ادرى باللي
عندها
