معلومات رهيبة اول مرة اسمع عنها ولكن استفدت ,تفعيل شريحة بيانات stc
طريقة تفعيل شرايح الانترنت لشركة موبايلي والاتصالات STC وزين على الايباد
شرح تفعيل شرايح الاتصالات وزين وموبايلي على الايباد
راح يكون شرحي مقتصر على الايباد لان الايفون فيه وسيلة اتصال بعكس الايباد يلقى صعوبه
بطريقة الشحن والاشتراك والتفعيل ومعرفة رصيدة المتبقي من باقته
البعض يقول عادي نفك الشريحه من الايباد ونحطها بالايفون بما ان الشريحه صغيرة ونشحن فيها
طيب واللي ماعنده ايفون امه والدته وجايبته بالبرنده يبلش بروحه؟
اسئلة شائعه
1- ركبت شريحة البيانات لكن ماعرفت كيف افعلها على الايباد ؟
اي تعال معي اولا وقبل كل شي انت وش ناوي عليه تبي شركة موبايلي والا
الاتصالات والا زين يازين ؟
–> والله مدري لكن ابي اللي باقاتهم رخيصه ومابي يخلص اشتراكي بسرعه وبنفس الوقت يكون
تصفحي صاروخ !
.. ايه لاصارت الشركه حلال ابوك تعال تشرط
كل شركه عندها باقات لشرائح مسبقة الدفع وباقات للمفوتره وباقات خاصه لشريحة البيانات وباسعار معينه
شف اللي تناسبك ومد رجلك على قد لحافك
ومن تجربتي الشخصية انا افضل اتصال الشريحة العاديه على شريحة البيانات
–> وش الفرق ؟
1- الشريحه العاديه تقدر تتصل منها وترسل وتطلب معرفة الرصيد المتبقي – اما شريحة البيانات
لا ..
2- الشريحه العاديه تقدر تشحنها اذا خلصت قبل نهاية الشهر لكن بشرط تكون الباقة اعلى
من السابقة او تلغي اشتراكك الاول وتشترك بباقة من جديد تكون نفسها اللي مختارها –
بينما شريحة البيانات ماتقدر تشحنها الا اذا خلص الشهر
3- الشريحة العاديه تتوقف الخدمة اذا جاء الشهر الثاني وانت ماشحنت – بينما شريحة البيانات
لو ماشحنتها مثلا بشهر 1 وتبي تعيد الخدمة في شهر 2 يلزمك انك تشحن للشهر
الماضي والحالي لتشغيل الخدمة مره اخرى !
4- الشريحة العاديه تقدر تستفيد من برنامج النقاط والجوائز عند الشحن والاستخدام – اما شريحة
البيانات ماتقدر تستفيد من هذا كله .
