قبل لا ابدا خليني اشرحلكم وضع شعري, للاسف قبل فترة كنت استخدم الشامبو والبلسم اللي
على اليسار
شعري صار جاف وباهت مافيه اي ذرة لمعة واعطى شعري كثافة غبية جدا صار شعري
منفوش شفتو البنت اللي بالدعايات ام
شعر منفوش اللي يجيبونها قبل استخدام الشامبو بالضبط كذا صار شعري، كل البيت صارو يقولون
ليه شعرك خرب ارجعي
اهتمي فيه، حطي زيت ولا قناع اي شي كان كلامهم تحطيم بتحطيم خخخخ صارو يتمصخرون
علي ليه شعري قلب كذا بالعادة
شعري ناعم ولاصق بوجهي ٢٤ ساعة مهما سويت فيه مستحيل يكون فيه كثافة حتى لو
حطيت مثبت بعد ساعة يهجد الشعر
ولاكاني سويت فيه شي، المهم بهذيك الفترة كنت اضطر استشور شعري ولا اسويه كيرلي اي
شي بس المهم تهجد الكشة
وبسبب استخدام ادوات تسريح الشعر لاحظت ان نسبة تساقط شعري زادت :(، كل النعومة بححح
طارت بالهوا فاذا حسيتو اني
بالغت بمدح الشامبو والبلسم لحد يلومني لان شعري كان يمر بمرحلة سيئة جدا للاسف
شامبو تريسمي نعومة الكيراتين:
المنتج يوعد بالتحكم بتطاير الشعر لمدة ٤٨ ساعة وتنعيم الشعر وسهولة التحكم فيه وتسريحه
تجربتي /رايي
اول شي باقولكم مفهومي للشامبو: هو مجرد مستحضر يغسل الشعر من الاوساخ لا اكثر ولا
اقل وبقية الشغل يكون على البلسم.
بس هذا الشامبو لايمت للتعريف باية صلة، كل مره استخدم الشامبو ثقتي فيه تزيد وصار
شي مهم بروتين عنايتي
لاحظت فرق بنسبة لاتتجاوز ال ٥٠٪، واثبت فاعليته بتهجيد الشعر المنفوش، ولله الحمد شعري فرق
كثير عن اول وماصار يكش بعد ما اتحمم. حاليا الشامبو اعطى شعري تموج خفيف بالكاد
يلاحظ ويمكن هالشي يفرق من شعر لشعر على حسب نوعيته وغير كذا رجع لشعري الحياة،
اعطاه لمعة صحية مع مساعدة البلسم، ولكن بنفس الوقت مقدر اقولكم انه رجع شعري لسابق
عهده
