حلم البنوته اللي لها لون عيون غامق باللون الفاتح ماصار مستحيل ع طوول اي وحده
تبي تغير لون عيونها ويصير ششي ثاني ، نصصرخ ونقول : عندك العدسسسات طبي وتنقي
.
طيب وش هي العدسه ؟
.
العدسات الاصقة : طبقة رقيقة تستخدم لتصحيح النظر او للزينة .
طيب
العدسات نوعين / وكل نوع له شكل
.
عدسات صلبة – عدسات لينة
طيب وش الفرق ؟
الفرق :
ان العدسات اللينه تكون مريحه بشكل كبير للعين لكنها تمسك الغبار وحساسةجدا .
بالنسبة للعدسات الصلبة ..
مريحة للعين لكنها صحيه بدرجه عاليه جدا .
طيب ~
تقولين وش اختار ؟
تختارين ي قلبي النوع الثاني ( العدسات الصلبة ) ، لانها مريحه وصحيه لابعد حد
!
بعد تجيك العدسات : يومية – اقل من شهرين
– 6 شهور فما فوق .
شلون يعني ؟
,
لكن البنوتات اللي تستخدمها للمدرسه او غيرها .. فتاخذ العدسات الي تكون مدتها طويله ،
طبعا راح تكون اغلى ..
,
تجي العدسات : شفافة – ملونة .
اللي تبي العدسات للمدرسه
نصصيحه مني
خوذي شفاف
عشان مانخرج من ملة المدارس لوووووول
,
كل هالق لق اللي فوق مهم للي تبي تشتري او تعرف عن العدسات ، عشان
تعرفين وش النوع اللي يناسبك ..
نجي لاستخدامات العدسات .
1- تستخدم لتصحيح النظر .
2- تستخدم للزينة .
3- بديلة للنظاره .
,
هذولي ابرز اسباب لبس العدسات اللاصقة مافي شي مو واضح اعتقد.
طيب .. وش هي اضرار العدسات ومساوؤها ؟
,
انا ماحبيت اجيب اضرارها الطبيه لانك بتكونين ماوفيه كل شروطها الصحيه ، وماعليها باذن الله
اضرار بس بشرط !!
انك تلبسينها للمناسبات معينه مو كل يوم
اذا كان الجو غببار ممنووع وخطر خطر خطر هذاني اقولك .. !
وترا في وحدة مجربه كان الجو مو صافي مره ولاحظوا مو غبار !
اقسم بالله ي بنات بذاك اليوم احمرت عيونها وبس تدمع والم فظييع مع ان عدساتها
من ماركه ممتازه
ف عشان كذا ي بنات لا تلبسونها والجو مو صافي حتى لو كان الجوو مافيه
الا ذره غبار .
~
طيب وش هي مساوؤها ؟
لا تطولين اظافرك ي حلووه دامك تستخدمين عدسات مثل ماقلت قبل ”
العدسة رقيقه ووممكن باظافرك الطويله تمخشين عينك او العدسه .
,
لا تلبسينها من غير ماتغسلين ايدينك اذا كنتي زوله لا تشترين عدسات ، من اللحين
اقولك
العدسات يبي لها عنايه من اللحين اقولك عشان عينك ترا .
,
محلول او قطره عدسات تنفع لعين صديقتك .؟ عينك انتي لا .. !
انتبهي تستخدمييين قطره عين للتنظيف او محلول بمجرد ان صديقتي حليو والله ومكيفه معه !
خطا واكبر خطا ..!
,
علبة العدسات .. يومييا لازم تغيرين المحلول وتنظفينها .. شوفي اذ شلتي العدسات وحطيتها بالعلبة
.. اوك ؟
افتحي العلبة بعد 3 دقايق وشوفي وش فيه ..
بتلقين شوائب من نفس العدسه لانك طول خمس ساعات مثلا لابستها .. فضرووري ضروري
تغيرين المحلول
,
لا تلبسين العدسات وانتي ناويه : تسبحين + بتروحين لمكان بتجلسين فيه فوق 7 ساعات
.
هذولا ابرز التوجيهات
