المقادير
كميات متساويه من جميع من الخضار الاتيه
بندوره ,
خس ,
بقدونس ,
خيار ,
جزر مبشور ,
ملفوف اخضر ,
بقله رجله او فرفحينه ,
اوراق فجل اذا عندك فجل ,
قصي
الاوراق كاملة بسواعدها و اغسليها جيدا و انا بحط فقط اوراق الفجل ,
ما بحط الفجل .
بصل اخضر او عادي
ملح ,
زيت زيتون ,
نعنع يابس اطيب من الاخضر ,
و اروع لان الاخضر بيسود بعد الفرم
خبز مقطع مربعات و محمص بالفرن مع شويه زيت زيتون
للتحميض خليط من دبس الرمان ,
خل التفاح بنسبة تلت لدبس الرمان ,
و تلتين لخل التفاح هالخليط طعمتة جداااا لذيذة ,
و بتضفى عالفتوش طعمه خياليه .
و اذا ما عندك دبس الرمان ,
حطى فقط خل التفاح ,
و اذا ما تواجد حطى عصير ليمون .
و السر يلى راح قلكن عليه هلا ,
و مو جميع الناس بتعرفة ,
لتحصلى على فتوش طيب و متميز ,
هوى
التوم ,
دقى شويه توم صغيرة ,
و حطيهن مع الفتوش ,
.
و بيطلع اطيب بكتير ,
جربو ,
و راح تدعولى على هالسر ,
ولكن بيضل وضع التوم اختيارى
و كمان بيطلع الفتوش طيب .
افرمى الخضار ,
و اتقيدى بالمقادير المكتوبة ,
افرميها فرم و سط اقرب الى الخشن
بالنسبة للبقله الرجله او الفرفحينه ,
بترك الاوراق متل ما هيى ,
انا ما بفرمه,
(و راح تلاقى الصورة موجوده باول رد مباشره
و هون انا استعملت ,
كل المقادير يلى ذكرتها ما عدا اوراق الفجل ,
ما كانت متوفره ,
و للامانه البصل كان لازم افرم اكتر من هيك و لكن انا فرمت شوى و ما حطيتن بالفتوش ,
لان عندي اخ ما بياكل بصل ,
فبحطهن بصحن لحالهن جنب الفتوش
و بس تخلصى الفرم راح نجى عالتقليب مرحلة التقليب ,
لازم نعملها قبل الطعام مباشره بحيث نخلص التقليب ,
و فورا ناخد الفتوش عالسفره ,
و هلا بقلكن ليش
حطى زيت الزيتون بكميه مناسبه فوق الخضار ,
و حطى خليط الحامض ,
فناس بيحطوا سماق ,
و لكن انا ما بحط لوجود نوعين من الحامض ,
و اذا بدك تحطى التوم دوبى التوم المهروس مع الحامض انا هون استعملت فقط سن توم واحد ,
و اذا فحاجة رشه ماء صغار مشان نكتر مرقه الفتوش ,
لان الخبز ثم راح ييمتصها ,
رشى الملح ,
و النعنع اليابس ,
و قلبي جيدا
و تذوقى ,
و اذا فداعى تحطى كمان ملح او حامض ,
حطى ,
و ركزى الطعم ,
لتتاكدى انه الطعم صار متل ما بتحبى ,
اخر شي حطى الخبز المحمص ,
و خلى كميتة متناسبه مع كميه الخضار الموجوده بحيث ما حدا منهن يطغي عالتانى لا تحطية قبل هيك مشان ما يطري ,
و يتشتش ,
و قلبي جيدا ,
و تاكدى انه جميع الخبز اتشرب ,
الزيت و الحامض ,
و صبى الفتوش بالجاط ,
و فورا عالسفرة
لازم هالخطوه ,
لان الخبز المحمص اذا حطيتية من اول التقليب ,
او حضرتى الفتوش قبل الطعام بكتير الخبز راح يطري ,
و ساعتها بيخرب شكلة و مذاقة ,
بينما بهالكيفية ,
الخبز بييتشرب الزيت و الحامض ,
و بيضل قاسي ,
و لمن بتاكلية ,
بتحسية عم يقرمش بتمك .
